Grønagávan frá etika 2013

– Tit eru sjónlig í tykkara yrki, og eggja øðrum borgarunum at geva umhvørvinum ans, og at varða um tað. Tað segði Sigrún Mohr, næstforkvinna í teknisku nevnd í Tórshavnar Býráði, tá ið hon í kvøld handaði Reinhaldinum hjá Tórshavnar kommunu, Grønu gávuna frá matstovuni Etika. Gávan er ein kekkur á góðar 46.000 krónur.

Metingarnevndin, ið ger av, hvør skal fáa gávuna, er mannað við umboðum fyri Umhvørvisstovuna, Agenda 21-stovuna og Heilsu- og Umhvørvisdeildina hjá Tórshavnar kommunu. Metingarnevndin gevur Reinhaldinum hjá Tórshavnar Kommunu hetta skoðsmálið.

– Tit eru ein býarmynd ið er virkin uttandura nærum hvønn dag í árinum og í øllum veðri.

– Tit halda býin reinan, tí tit taka tað upp, onnur tveita frá sær, og beina tað burtur.

– Tit eru sjónlig í tykkara yrki, og eggja øðrum borgarunum at geva umhvørvinum ans, og at varða um tað.

– At rusk ikki liggur og rekst, og fólk tí ikki ilskast um tað, er tí at tit røkja tykkara yrki til lítar.

Tí fáa tey í Reinhaldinum eitt væl unt herðaklapp í virðing fyri teirra yrki og tí stóra týdningi tað hevur fyri umhvørvið og trivnaðin í býnum.

Hetta er fjórða árið á rað, at matstovan Etika letur Grønu gávuna. Í hesum sambandi fara 20 krónur av hvørjari kannu av kranavatni, tey selja í matstovuni, til endamálið, og einaferð um árið verður upphæddin latin fólki, felagsskapi ella stovni, ið fremur eitthvørt serstakt fyri einum betri umhvørvi.

Tey sum hava móttikið Grønu Gávuna frá etika eru:
2010: Finnbjørn Joensen í Vestmanna fyri umhvørvisarbeiðið í Vestmanna
2011: Føroya Prent fyri at planta trø
2012: Ann Louisa fyri at varðveita føroysku rossini
2013: Reinhaldið Tórshavnar Kommunu fyri at halda Havnina reina

Grøna gávan frá etika


Aftur í ár verður Grøna Gávan frá etika latin í Umhvørvisvikuni. Sum kunnugt hevur etika gjørt av at taka 20 krónur fyri eina kannu av kranavatni. Allur peningurin frá sølu av vatni fer óskerdur í ein umhvørvisgrunn, og verður hesin peningur á hvørjum ári latin til eitt framskygt náttúru- og umhvørvisendamál. Í ár er upphæddin á kr 45.644,-

Dómsnevndin er mannað við umboðum frá Agenda 21 stovuni, Tórshavnar kommunu og Umhvørvisstovuni. Í ár fær Anna Louisa Joensen hendan stóra heiður. Anna Louisa er ein eldsál, ið arbeiðir fyri at varveita føroyska rossið.  


etika ynskir Annu Louisu Josensen hjartaliga tillukku við Grønu Gávuni.
 

Grøna gávan frá etika


Aftur í ár verður Grøna Gávan frá etika latin í Umhvørvisvikuni. Sum kunnugt hevur etika gjørt av at taka 20 krónur fyri eina kannu av kranavatni. Allur peningurin frá sølu av vatni fer óskerdur í ein umhvørvisgrunn, og verður hesin peningur á hvørjum ári latin til eitt framskygt náttúru- og umhvørvisendamál. Í ár er upphæddin á kr 42.320.

Dómsnevndin er mannað við umboðum frá Agenda 21 stovuni, Tórshavnar kommunu og Umhvørvisstovuni. Í ár fær Føroyaprent hendan stóra heiður, fyri at:

• brúka umhvørvisrætt pappír
• brúka vegetabilskar prentlitir
• endurnýta prentlutir
• minimera pappírsspill og burturkast
• spara um orkunýtsluna og at brúka sum mest varandi orku
• hava atlit til evnafrøði í arbeiðsumhvørvinum
• planta trø í Føroyum

Føroyaprent er einasta fyritøka í Føroyum, sum er Svanamerkt, og er umhvørvisleiðsla hjá teimum merkt av krøvum til góðkenningina.

etika ynskir Føroyaprent hjartaliga tillukku við Grønu Gávuni.
 

Den Danske Spiseguide 2011:

Etika fingið 1 stjørnu

Etika hevur fingið 1 stjørnu í Den Danske Spiseguide 2011.

Den Danske Spiseguide kom fyrstu ferð á marknaðin í 1978.

2011 er fyrsta árið, at ein føroysk matstova er nevnd í bókini og sostatt eisini fyrstu ferð, at ein føroysk matstova fær stjørnu.

Bent Christensen, ið skrivar Den Danske Spiseguide, er nøgdur við føroysku luttøkuna og metir góðskuna á rávørunum vera sera høga.

3 matsovur í Tórshavn fingu stjørnur: Etika fekk 1, Áarstova fekk 1 og Glasstovan á Hotel Føroyum fekk 3 harav 1 í klombur.

1 stjørna merkir, at matstovan er yvir danskan miðalstandard.

Um Etika stendur at lesa: " Torshavns meget autentiske japanske sushi restaurant med delikate råvarer i klassike japanske former.

 

 

etika í døgurðatímanum:

Nýggj miðmálamatskrá

Einki er sum sushi og ristað at geva orku til seinna hálvleik í arbeiðsdegnum.

Kom oman á etika í døgurðatímanum til sushi og ristaðar bitar.

Sí matskráir.

Grøna gávan frá etika

Finnbogi Joensen úr Vestmanna fekk Grønu gávuna frá etika áljóðandi kr 33.088. Etika ynskir Finnboga hjartaliga tillukku við Grønu gávuni og takkar honum samstundis fyri hansara ótroyttiligu luttøku í umhvørvisøkinum; sum Finnbogi sjálvur tekur til: hugsa globalt handla lokalt!

Sí mynd
Grundgevingarnar hjá dómsnevndini
Røðan hjá landstýriskvinnuni í umhvørvismálum

Grøna gávan frá etika

etika hevur valt at taka pengar fyri føroyska drekkivatnið, sum vit annars her í Føroyum fáa ókeypis. Peningurin, ið kemur inn fyri drekkivatnið fer óskerdur til eitt umhvørvisendamál. Hetta hava vit valt at kallað: "Grøna gávan frá etika" og verður hon handað á Grønu konsertini í Vágsbotnið fríggjakvøldið 14/5 kl. 20.00.

Nýtt í etika:

Nýggj útviðmatskrá

Okkara nýggja útviðmatskrá er borin út í hvørt hús í Tórshavn, á Argjum og í Hoyvík. Ring 319 319 og bílegg.

Eisini er nýggj miðmálamatskrá. Kom oman á etika í døgurðatímanum til sushi og ristaðar bitar.

Sí matskráir.

BT:

Sushi til folket

"Her kombineres nordatlantiske råvarer, primært fra Færøerne, med den fineste sushi-kunst fra Japan."
****** (6/6)

Les meira.

Ummæli:

Under alle omstændigheder får Etika ubetinget en varm anbefaling, skrivar Børsen

"enkel mad på et højgastronomisk kvalitetsniveau til forbløffende lave priser."

Les ummælið her.